3 март куни эрталаб Тошкент вилоятининг Янгийўл туманида яшовчи эркак ва унинг турмуш ўртоғи ўз хонадони ётоқхонасида ис газидан заҳарланиб, ҳодиса жойида вафот этди. Ҳозирда ҳолат бўйича терговга кадар текширув кетмоқда.
Бешариқ туманида эркак ҳамда унинг 12 ёшли қизи ва 11 ёшли ўғли ис газидан заҳарланиб вафот этди. Кўздан кечириш давомида хонадонда ностандарт қўлбола иситиш печидан фойдаланилгани аниқланди.
Чимбой туманида бир оиланинг 5 аъзоси ис газидан заҳарланиб вафот этди. Улардан икки нафари вояга етмаган бўлган. Хонадонда яна икки киши ҳушсиз ҳолда топилиб, шифохонага ётқизилди.
Қўқон шаҳрида эр-хотин ис газидан заҳарланиб вафот этди. Марҳумларнинг ўлими юзасидан суд-тиббий экспертизаси тайинланди.
Тошкент вилоятининг Оққўрғон туманида бир оиладан тўрт киши ҳалок бўлди, яна уч нафари касалхонага ётқизилди. Ўлим сабаби озиқ-овқат ёки ис газидан заҳарланиш бўлиши мумкин. Текширув учун овқат қолдиқларидан намуналар олинди.
Касби туманида эр-хотин ҳамда уларнинг 5 ва 3 ёшли фарзандлари заҳарланиб вафот этди. Ўлимга қўлбола усулда тайёрланган иситиш печидан чиққан ис гази сабаб бўлган.
Чирчиқ шаҳрида эр-хотин ис газидан заҳарланиб вафот этди. Улар уйни иситиш мақсадида чала ёнган кўмирни ётоқхонага олиб кирган ва ундан чиққан ис газидан заҳарланган.
Учкўприк туманида эр-хотин қўлбола усулда ясалган печкадан сизиб чиққан ис газидан заҳарланиб вафот этди. Ҳолат юзасидан туман прокуратураси терговга қадар текширув олиб бормоқда.
Қарши шаҳрида 13 ёшли бола уйидаги газ плитасидан чиққан ис газидан заҳарланиб вафот этди. Укалари эса заҳарланиш аломатлари билан туман шифохонасига ётқизилди. Ҳолат бўйича терговга қадар текширув ҳаракатлари олиб борилмоқда.
Қарши туманида 77 ёшли фуқаро келини ва набираси билан яшаш хонадонида ис газидан заҳарланиб вафот этди. Ҳолат юзасидан терговга қадар текширув ҳаракатлари олиб борилмоқда.
Фарғона вилояти Бувайда туманида эр-хотин ис газидан заҳарланиб вафот этди. Улар 3 кунлик ёш келин-куёв бўлгани ва эр ўзи ясаган печкалардан бирини уйга ўрнатгани айтилмоқда. Ҳолат юзасидан терговга қадар текширув ҳаракатлари бошланди.
Қарши шаҳрида ижарада яшовчи қиз ҳаммомда ис газининг кўпайиб кетиши оқибатида заҳарланиб, вафот этди. Шаҳар прокуратураси терговга қадар текширув ҳаракатларини бошлади. 17 ёшли қиз ноябрда ис гази сабаб вафот этганларнинг олтинчиси бўлди.
Фарғона шаҳрида икки нафар ҳарбий хизматчи ва 17 ёшли қиз ис газидан заҳарланиш оқибатида ҳалок бўлди. ФВВ маълумотларига кўра, бу 2021−2022 йилги иситиш мавсуми бошидан бери 40-бахтсиз ҳодиса. Мавсум давомида ис газидан жами 54 киши вафот этган.
Қўшимча имкониятларга эга булиш учун сайтда рўйхатдан ўтинг